SAN MATEO 1

1Arrpa' all akellkareth Jesucristo pa'tañneshañ e'ñe pa'so'chñexhnowenet. Jesucristopa' David po'mhreneñ, e'ñe Abrahamotheñ. Allowen añ so'chñetspa' ñeñthara mereñtsorekmoet. 2Abrahampa' chemere'tana Isaac. Isaacñapa' chemere'tana Jacob. Jacobñapa' chemere'tana Judá epoet ñamha pa'mo'nasheñexhno. 3Judáñapa' chemere'tana Fares epoet ñamha Zara. Ñet pachoretpa' añ pa'so'cheñ Tamar. Faresñapa' chemere'tana Esrom. Esromñapa' chemere'tana Aram. 4Aramñapa' chemere'tana Aminadab. Aminadabñapa' chemere'tana Naasón. Naasónñapa' chemere'tana Salmón. 5Salmónñapa' chemere'tana Booz. Ña pachorpa' añ pa'so'cheñ Rahab. Boozñapa' chemere'tana Obed. Ña pachorpa' añ pa'so'cheñ Rut. Obedñapa' chemere'tana Isaí. 6Isaíñapa' chemere'tana David ñeñth amhcha'tarethtatse'th. Davidñapa' chemere'tana Salomón. Ñeñthpa' arroth Urías poethaporoth. 7Salomónñapa' chemere'tana Roboam. Roboamñapa' chemere'tana Abías. Abíasñapa' chemere'tana Asa. 8Asañapa' chemere'tana Josafat. Josafatñapa' chemere'tana Joram. Joramñapa' chemere'tana Uzías. 9Uzíasñapa' chemere'tana Jotam. Jotamñapa' chemere'tana Acaz. Acazñapa' chemere'tana Ezequías. 10Ezequíasñapa' chemere'tana Manasés. Manasésñapa' chemere'tana Amón. Amónñapa' chemere'tana Josías. 11Josíasñapa' chemere'tana Jeconías epoet ñamha pa'mo'nasheñexhno. Ñewa, Josíaspa' alla chemere'tos allempo axhapatarethtet allaphar all anetso ñeñth pa'so'cheñ Babilonia. 12Allempo waxherret Babiloniothpa' Jeconíasñapa' chemere'twerrana Salatiel. Salatielñapa' chemere'tana Zorobabel. 13Zorobabelñapa' chemere'tana Abiud. Abiudñapa' chemere'tana Eliaquim. Eliaquimñapa' chemere'tana Azor. 14Azorñapa' chemere'tana Sadoc. Sadocñapa' chemere'tana Aquim. Aquimñapa' chemere'tana Eliud. 15Eliudñapa' chemere'tana Eleazar. Eleazarñapa' chemere'tana Matán. Matánñapa' chemere'tana Jacob. 16Jacobñapa' chemere'tana José ñeñthepa'tcha' poerrollar pha' María. Maríañapa' cheyore'tana Jesús, ñeñthara ñeñth Cristotats. 17Allempotheñ korre'th Abraham tharrempowa allempo korre'th ñamha David, ñeñthña allponsheña chemeresha'tnomoetspa' allo'tsenka'ye xharrasheña poechenet pa'tatssheña. Ñamha allempotheñ korre'th David tharrempowa allempo axhapatarethtet Babilonio, ñeñthpa'xho'ña allo'tsenerrerr xharrasheña poechena pa'tatssheña ñeñth allponsheña chemeresha'terrtserr allempo. Ñamha allempotheñ axhapatarethtet Babilonio tharrempowa allempo eñalleta Cristo, ñeñthpa'xho'ña allo'tsenerrerr xharrasheña poechenet pa'tatssheñet ñeñth allponsheña chemeresha'tnerrtserr tharrempowa allempo eñalleta ñamha Cristo. 18The'pa' o'ch neserrpare'tatas attho allempo eñalleta Jesús. Allempoña María ñeñthcha' pachor pha' Jesúspa' añka'ye o'patenaya José ño'ch yore'. Ama yoreña'pa' Maríañapa' awepa't axhomenta Parets Poekamkëñoth. 19Joséña ñeñthcha' poerrollar pha'pa' ñañapa' e'ñe kowen acheñer ñeñtho'marña ñapa' ama moeno o'ch penkach. Ñañapa' ateth kothape'ch o'ch ser e'ñe a'nawotha. 20Allempoña ateth kothape'chenpa' machayotho' orrtoña Yompor po'mhllañotheñer. Ñeñth orrtoya poexhopoñopa' ateth otos: —José Davidna'tare, amach pha'llpatsto; pokte'ka'ye o'ch peyore María ñeñthcha' pethapor pepha' tharro'mar ñapa' o'ka'ye axhomenta Parets Poekamkëñoth. 21The'pa' eñalletatancha' asheñorr, ñeñthñapa' pesochcha' Jesús tharro'mar ñapa' ñeñthcha' a'keshphaterre' pa'cheñer po'chñarothet. Arrpa' allowa ñeñth ateth och mellañotheñ. 22Ñeñthpa' tharro'mar ateth pha atthoch etsota ñeñth ateth eñorana'tane'th Isaías ñeñth a'mhtawete'th Yompor po'ñoñ, ñeñthpa' ateth ote'th: 23Ñeñthña shopshesha'pa' amach a'phllarethotheye' axhomento; cheyore'tanach asheñorr, ñeñthñapa' sochetcha' Emanuel. Ñeñth ña so'chñetspa' ateth oten: The'ña Paretspa' e'ñe parro'tseney. 24Allempoña José oyerr ñemoth, ateth och Yompor po'mhllañotheñerpa' ñañapa' atethxho' pha. Yoran María ñeñthcha' poethapor pha'. 25Tharraña ñapa' ama a'phlleñe tharrempowa allempoch emare'twa; ñeñthña asheñorrpa' soch JESÚS.


Copyrighted Material
Learn More

will be added

X\