MATAYO 1

1Ŋina a kenet na merenyejin ti Yesu Kristo, ŋuro lo Dawidi, ŋuro lo Abarayama. 2A Abarayama yuŋundye Yisaka, a Yisaka yuŋundye Yakobo, a Yakobo yuŋundye Yuda se ko luŋasirik kanyit, 3a Yuda yuŋundye Perese, se ko Jerak (ŋote nase a Tamara), a Perese yuŋundye Keseron, a Keseron yuŋundye Ram, 4a Ram yuŋundye Aminadaba, a Aminadaba yuŋundye Nasona, a Nasona yuŋundye Salamona, 5a Salamona yuŋundye Boaja (Raba a ŋote Boaja), a Boaja yuŋundye Obede (Ruta a ŋote Obede), a Obede yuŋundye Yisai, 6a Yisai yuŋundye mor Dawidi. A Dawidi yuŋundye Solomona (nakwan na Uriya a ŋote Solomona), 7a Solomona yuŋundye Rabama, a Rabama yuŋundye Abiya, a Abiya yuŋundye Asa, 8a Asa yuŋundye Yosapata, a Yosapata yuŋundye Yorama, a Yorama yuŋundye Ujiya, 9a Ujiya yuŋundye Yotama, a Yotama yuŋundye Akaja, a Akaja yuŋundye Kijikiya, 10a Kijikiya yuŋundye Manase, a Manase yuŋundye Amon, a Amon yuŋundye Yosia, 11a Yosia yuŋundye Yekonia se ko luŋasirik kanyit, i diŋit na toyuöjine se i jur lo Babela nu. 12A i mukök na toyuöji nase tojo Babela, a Yekonia yuŋundye Salatiele, a Salatiele yuŋundye Jerubabela, 13a Jerubabela yuŋundye Abiuda, a Abiuda yuŋundye Eliakim, a Eliakim yuŋundye Ajor, 14a Ajor yuŋundye Sadok, a Sadok yuŋundye Akim, a Akim yuŋundye Eliyuda, 15a Eliyuda yuŋundye Elejara, a Elejara yuŋundye Matan, a Matan yuŋundye Yakobo, 16a Yakobo yuŋundye Yosepa lalet lo Maria, a Maria yuŋundye Yesu logon a luŋu a Masia lo. 17Nyena nyakwariat liŋ suluja ko Abarayama tojo ko Dawidi a nyakwariat puök wot iŋwan, köti suluja ko Dawidi tojo ko toyuöji nase tojo Babela gwe a nyakwariat puök wot iŋwan, köti suluja i toyuöji nase tojo Babela nu tojo i diŋit na Masia gwe a nyakwariat puök wot iŋwan. 18Nyena a yuŋwe na Yesu Kristo gwe sona. Maria ŋote nanyit aje torukökin i toyem ko Yosepa, ama i ŋerot nagon se a ko nyuŋ torumbö nu, a kulya kanyit iŋge dena adi nye gwon ko pele na Mulökötyo Loke. 19A Yosepa lalet lonyit gwe a ŋuto lo rigwo, a tine 'bön toyujö kwe na Maria ko ŋutu liŋ i komoŋ, a lepeŋ 'deke yandu nye a lwön. 20A na yeyeji lepeŋ kine kulya nu, mete, a malaikatat lo Matat puköki ko lepeŋ i rudwe kulya adi, Yosepa ŋuro lo Dawidi, ko kujönö i joŋga na Maria a nakwan inot, kogwon ŋilo ŋo logon a topikaki lepeŋ lo a lo Mulökötyo Loke. 21A nye mo ta'duundye ŋuro lulalet, a do mo gwije lepeŋ a Yesu, kogwon lepeŋ mo lwölwök ŋutu kanyit i toronjin kase. 22Kine ŋo liŋ a pokin anyen kulya na jam Matat ko nebi i kutuk köju kunu ködyö kokona, adi, 23Mete, 'diet mo gwon ko pele a mo ta'duundye ŋuro lulalet, a se mo gwije lepeŋ a Imanuele (Imanuele nyönyökö adi, Ŋun gwon ko yi). 24A Yosepa ko purwene i doto, a nye iŋge kondya gwoso nagon malaikatat lo Matat aje sarakindye lepeŋ nu, a nye joŋgi Maria a nakwan nanyit, 25ama a nye gwe a ko dotori lepeŋ tojo nye a ta'duundyö ŋuro lonyit; a nye gwije lupudi lo a Yesu.


Copyrighted Material
Learn More

will be added

X\