Roma 4:17

17Eho etei lab gagoho bak lam gi Musat aho Alat Vameadaha Im Toedahana laba nehi toehena nimti uloho bak. Alat Abraham bake neha, "Eho obo oho ba vou faat ladam dam lam modi duali fa faheme dam mei debuti dam mei debuti lahadume ame dam labe fa it ozome oba gagom di gi im tai debu ahamda om am tame," lahame Alat aham di iube Abraham bake labihasu fet vameadume esuhemu iho ozom di imbo bak. Ame da Abraham lam im aiat modemna ozomomda modem bak. 17Alat Abraham bake lab fet gagu vàmadi esuhu bak lam Abrahamat ba ahu behàsdi vi ozodaha vaba abo gi tu vuzehi abehamdehe bak. Am nam Sara lamti amait behàsu aoli data faam bak fotehenàme Abrahamat gi ozahit Alat aba lab gagoho bak laba tu vuzehehe bak. Iho ozom, aba aho tuhu Ala lam abo dam elodahada zi modi fa ahedi usnadam Ala am bak. Labi laha na vabna gi gagu naledam Ala am bak. Labihadam Ala laba Abrahamat tu vuzehehemu Alat aba fet vameadume vàmadi esuhu im lam imbodi dam mei debuti dam mei debuti labihasu dua bak labe Abraham bake ab aialeham bak. Abo Alat amu aba nehi fet vameame esuhu bak lam ab imbodeham bak. "Oho ba vou faat ladam dam lam ba dam debu mei dam debu mei lahadume abo falo zi lamti ulohona dem biemna zi vou faat lada tame," lahaha bak lam ab imbodeham bak.

Share this Verse:

FREE!

One App.
1259 Languages.

Learn More