Matie 1

1'Lɩka Zozi Klisi ‑ɔ ‑glɩ 'lɛ Daviti 'la 'cʋ 'nyɩ Daviti ‑glɩ 'lɛ Ablaamʋ 'la 'cʋ na, ɔ tokadɔkadɔcɩ 'la 'ŋlɩ 'la ‑afluwaa. 2Ablaamʋ valɩ 'lɛ Izakɩ, Izakɩ valɩ 'lɛ Zakɔpʋ 'nyɩ Zakɔpʋ ya 'lɛ Zuda ɩya ɔ bholiecɩa valɩ. 3Zuda ɔya Tamalɩ valɩ 'lɛ Falɛsɩ ɩya Zalaa, Falɛsɩ valɩ 'lɛ Eslɔmʋ 'nyɩ Eslɔmʋ ya 'lɛ Aghlamʋ valɩ, 4Aghlamʋ valɩ 'lɛ Aminadabʋ, Aminadabʋ valɩ 'lɛ Nasɔɔn 'nyɩ Nasɔɔn ya 'lɛ Salɩmɔɔn valɩ, 5Salɩmɔɔn ‑ya Ghlaabʋ valɩ 'lɛ Bozʋ, Boozʋ ɔya 'Lutu valɩ 'lɛ Obɛdɩ 'nyɩ Obɛdɩ ya 'lɛ Zesee valɩ, 6Zesee valɩ 'lɛ nyɩbhɛlʋ Daviti 'nyɩ Daviti ɔya Ulii nʋŋlɔ ya 'lɛ Salomɔɔn valɩ, 7Salomɔɔn valɩ 'lɛ Ghloboamʋ, Ghloboamʋ valɩ 'lɛ Abia 'nyɩ Abia ya 'lɛ Azaa valɩ, 8Azaa valɩ 'lɛ Zozafatɩ, Zozafatɩ valɩ 'lɛ Zolamʋ 'nyɩ Zolamʋ ya 'lɛ Oziasɩ valɩ, 9Oziasɩ valɩ 'lɛ Zoatamʋ, Zoatamʋ valɩ 'lɛ Akazɩ 'nyɩ Akazɩ ya 'lɛ Ezekɩasɩ valɩ, 10Ezekɩasɩ valɩ 'lɛ Manasee, Manasee valɩ 'lɛ Amɔɔn 'nyɩ Amɔɔn ya 'lɛ Zoziasɩ valɩ 11Zoziasɩ valɩ 'lɛ Zekoniasɩ ɩya ɔ bholiecɩ 'bhlɛsʋan nɩkplaan ma famʋa 'lɛ Izlayɛlɩ cuoa geyliin Babilɔnʋ bhlɩa 'kʋ na. 12Ma famʋ 'lɛ Izlayɛlɩ cuoa Babilɔnʋ bhlɩa 'kʋ na, dɛ Zekoniasɩ valɩ 'lɛ Salatɩɛlɩ 'nyɩ Salatiɛlɩ ya 'lɛ Zolobabɛlɩ valɩ, 13Zolobabɛlɩ valɩ 'lɛ Abiudʋ, Abiudʋ valɩ 'lɛ Eliakimʋ 'nyɩ Eliakimʋ ya 'lɛ Azɔlʋ valɩ, 14Azɔlʋ valɩ 'lɛ Sadɔkʋ, Sadɔkʋ valɩ 'lɛ Akimʋ 'nyɩ Akimʋ ya 'lɛ Eliudʋ valɩ, 15Eliudʋ valɩ 'lɛ Eliazalɩ, Eliazalɩ valɩ 'lɛ Mataan 'nyɩ Mataan ya 'lɛ Zakɔpʋ valɩ. 16Zakɔpʋ valɩ 'lɛ Zozɛfʋ, ‑ɔ cɩa 'lɛ Malii, ‑ɔ valɩ 'lɛ Zozii, ma la 'lɛ Laagɔ 'la ‑Sasanyɔa na. 17'Lɩka ‑zɔkpʋa 'fɩan 'la ne: ‑Ɩ bhɔlʋ 'lɛ Ablaamʋ 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ Daviti 'la 'bhlɛsʋa nɩkplaan na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Daviti 'la 'bhlɛsʋa nɩkplaan ‑aan 'nyɩ ‑ɩ ŋeni 'lɛ 'bhlɛsʋa nɩkplaan ma famʋ 'lɛ Izlayɛlɩcuoa Babilɔnʋ na, ɩ nʋ ‑zɔkpʋ 'kʋgba ‑nmɔɔna. ‑Ɩ bhɔlʋ 'lɛ Izlayɛlɩcuoa 'la Babilɔnʋ ‑famʋdaa ‑aan 'nyɩ ‑ɩ ŋeni 'lɛ Klisi 'la 'bhlɛsʋa nɩkplaan na, ɩ nʋ ‑zɔkpa 'kʋgba ‑nmɔɔna. 18'Lɩka saa ma valɩvalɩlɩ 'lɛ Zozi Klisi na. Zozii nɔ Malii ‑glɩa 'ŋlɔa ma ‑zlaa 'lɛ 'nyɩ ma ya 'lɛ Zozɛfʋ 'nyɩ na. ‑Ma 'fɩɔn ma 'ka 'lɛ 'sle pla na, ‑Kplɔkplɔ ‑Wugoa 'la 'tɛtɩa nɩkplaan, Malii ya nɩkpla 'ma. 19Ɔ ‑ŋuto Zozɛfʋ ‑ɔ ‑glɩa 'lɛ Laagɔ 'la pɔɔsanʋnyɔ na, ɔ 'taa ‑wa le ɔ 'kaa Malii, ‑owe ‑owe'cɩcɩɛ gbɔlʋ, ɔ yaa wabha le, ɔ 'kaa 'mɔɔ cɩɩn 'wlʋlʋ 'cɩɩ. 20Na, ɔ ‑kʋa 'mɩɩ 'lɛ guguda na, ‑Kwlenyɔa 'la 'bhlaandleea yɔɔ 'claawluun 'cla lebhe: «Zozɛfʋ, Daviti 'la 'cʋ, ‑n nʋŋlɔ Malii 'la 'sleen famʋlɩɛa ɩ 'la kalɩɔ pɔɔvʋ. Sa 'cileea ‑ɔ ‑kʋɔ 'lɛ nɩkplaan na, ɔ 'wlʋlʋ ‑Kplɔkplɔ ‑Wugoa nɩkplaan. 21Ɔ cɩ 'ka ŋodico valɩ ɩya ‑n 'kɔɔ Zozii la, sa ɔmɔ ‑ɔ ‑cɩ ka 'lɛ ɔla 'lɔlʋa ʋla nyinyia nɩkplaan ‑sa na.» 22Ka ɩmɩ ‑naa ‑tɛtɛa ŋeni 'lɛ ɩya ɩmɩa ‑Kwlenyɔa nyɩtɛlɩa 'lɛ ɔla nekʋnyɩtɛnyɔa neen na, ɩ 'ka 'kʋglalɩ: 23'Lɩka 'ŋlɔa ‑ɔ 'ta ka 'lɛ ŋodi cibhlili na, cɩ 'ka nɩkpla 'ma ɩya ɔ 'ka ŋodico valɩ, ɩya ma 'kɔɔ Emanʋwɛlɩ la, ɩ sa ‑zɔn lebhe Laagɔ ‑kʋ ‑anyɩ cɩ. 24Daa Zozɛfʋ galɔ 'lɛ na, ɔ ya ɩmɩa ‑Kwlenyɔa 'la 'bhlaandleea solua 'mɔɔ 'lɛ na, nʋ: Ɔ ya ɔ nʋŋlɔ 'sleen famʋ. 25‑Ma ɔ 'tɔɔ 'ŋlɔ la ‑aan 'nyɩ ɔ ya 'lɛ ɔla 'ciŋodicoa valɩ 'nyɩ Zozɛfʋ yɔɔ 'lɛ Zozii ŋlɩa zʋ.


Copyrighted Material
Learn More

will be added

X\