Matthew 1

1Nazatan do kinasakagon di Jesus Kristus, tanak kusai di David, tanak kusai di Abraham: 2I Abraham no i tama' di Isaac, i Isaac no i tama' di Jacob, i Jacob no i tama' di Judah om tobpinai kusai ngaavi' dau. 3I Judah no i tama' di Perez om di Zerah, i Tamar nopo nga' i tina' dioho', i Perez no i tama' di Hezron, i Hezron no i tama' di Ram, 4i Ram no i tama' di Amminadab, i Amminadab no i tama' di Nahshon, i Nahshon no i tama' di Salmon. 5I Salmon no i tama' di Boaz, i Rahab nopo nga' i tina' dau, i Boaz no i tama' di Obed, i Ruth nopo nga' tina' dau, i Obed no i tama' di Jesse; 6om i Jesse no i tama' di Laja' David. I David no i tama' di Solomon, tina' nopo disido nga' savo haid di Uriah, 7i Solomon no i tama' di Rehoboam, i Rehoboam no i tama' di Abijah, i Abijah no i tama' di Asa, 8i Asa no i tama' di Jehoshaphat, i Jehoshaphat no i tama' di Joram, i Joram no i tama' di Uzziah, 9i Uzziah no i tama' di Jotham, i Jotham no i tama' di Ahaz, i Ahaz no i tama' di Hezekiah, 10i Hezekiah no i tama' di Manasseh, i Manasseh no i tama' di Amon, i Amon no i tama' di Josiah; 11om i Josiah no i tama' di Jechoniah om tobpinai kusai ngaavi' dau. Dadi' kaantakai no o kinopoiduan kumaa doid Babylon. 12Kopongo po dii i kinopoiduan kumaa doid Babylon: i Jechoniah no i tama' di Shealtiel, i Shealtiel no i tama' di Zerubbabel, 13i Zerubbabel no i tama' di Abiud, i Abiud no i tama' di Eliakim, i Eliakim no i tama' di Azor, 14i Azor no i tama' di Zadok, i Zadok no i tama' di Achim, i Achim no i tama' di Eliud, 15i Eliud no i tama' di Eleazar, i Eleazar no i tama' di Matthan, i Matthan no i tama' di Jacob; 16om i Jacob no i tama' di Joseph i savo di Mary; om doid dosido no do nohodi' i Jesus do i pinungaanan do i Kristus. 17Dadi' ginumu' nopo do sinakagon nga': opod om apat mantad di Abraham gisom di David; om opod om apat mantad di David gisom di kinopoiduan kumaa doid Babylon; om opod om apat mantad di kinopoiduan kumaa doid Babylon gisom doid di Kristus. 18Ingkaa i Jesus Kristus do nohodi'. I tina' disido nopo i Mary nga' nopuabazan di Joseph; nga' poguhu i' do nokopiamung izioho' poinggontizan no haid zosido maza' di Spiritu Toḇitua. 19I Joseph i savo dosido nopo nga' otuhid o kogiiginovoo' om au' aanangan do papalaat dosido, om magada' dii daa isido dosido do id lahan i aiso koiho. 20Nokopomusoou no daa isido do mimang diti nga' tigog i' do imḇuhai do id disido id nipi i tasab di Tuhan om poboos no, “Oi Joseph, tanak kusai di David, kada' koosizai do maganu di Mary sabaagi do sinavaan nu, tu' poinggontizan zosido mantad di Spiritu Toḇitua. 21Mogkoosusu mai' zosido do tanak kusai om mositi' pungaanan nu isido do i Jesus, tu' isido no i songuhun i mamasi di tuhun ngaavi' dau do mantad ḏouso ngaavi' dioho'.” 22Naantakan ngaavi' iti do monuhuk do nunu i noboos di Tuhan maza' di profeta do ka: 23Bii'o' no! Poinggontizan no i haahangai om mogkoosusu mai' do songuhun tanak kusai i pungaanan mai' dioho' do Immanuel. I ngaan kikomozon do “Miampai dotokou o Kinoingan.” 24Dadi' koposik om kotungag nopo i Joseph, om tonudo' no dau i pinonuu'an di tasab do id disido, om ovito' no dau i savo dau minuhi'. 25Om sunḏung potuu do au' po nakaamung isido dosido, pogkoosusu no zosido do tanak kusai om pungaanai no disido ii do i Jesus.


Copyrighted Material
Learn More

will be added

X\