Maatiu 1 | Bible.is
Maatiu 1

1Kpaali indinɛi alɛɛ aa Yisɔsi Kilaisi bembaa i ndɔgɔɔu. Yisɔsi Kilaisi indinɛi mi bemba na Leebili goo na nhu lou nwɛɔ aa ala. Leebili indinɛi, mi bemba na Eebilahamu goo na nhu lou nwɛɔ aa ala. 2Eebilahamu, Aaisaaki kɛɛgɛ na nwɛɔ aa ala. Aaisaaki, Yekɔpi kɛɛgɛ na nwɛɔ aa ala, awa Yekɔpi, Yula o ngi ndegen hiindengaa i ngoo ti kɛɛgɛ na nwɛɔ aa ala. 3Awa Yula, Pelɛsi o ka Sela ti kɛɛgɛ na nwɛɔ aa ala awa ti nje na nwɛɔ gbɔnhu aa Tamaali. Awa Pelɛsi, Hɛsilɔni kɛɛgɛ na nwɛɔ aa ala. Hɛsilɔni, Laami kɛɛgɛ na nwɛɔ aa ala. 4Laami, Aminalabi kɛɛgɛ na nwɛɔ aa ala, awa Aminalabi, Neesɔni kɛɛgɛ na nwɛɔ aa ala, awa Neesɔni, Salimɔni kɛɛgɛ na nwɛɔ aa ala. 5Salimɔni, Boasi kɛɛgɛ na nwɛɔ aa ala, awa ngi nje na nwɛɔ gbɔnhu aa Lahaabi. Awa Boasi, Obɛli kɛɛgɛ na nwɛɔ aa ala, awa ngi nje na nwɛɔ gbɔnhu aa Luuti. Awa obɛli, Yɛsi kɛɛgɛ na nwɛɔ aa ala, 6awa mi bemba na Leebili manha mbaa na aa alaɔ ngi nda kɛɛgɛ na nwɛɔ aa Yɛsi. Awa Leebili manha mbaa na aa ala Sɔlɔmɔni kɛɛgɛ na nwɛɔ aa ala, awa ngi nje na nwɛɔ aa Ulaiya nyanha na. 7Awa Sɔlɔmɔni, Lihobɔami kɛɛgɛ na nwɛɔ aa ala, awa Lihobɔami, Abiya kɛɛgɛ na nwɛɔ aa ala, awa Abiya, ngi kɛɛgɛ na nwɛɔ aa Asa. 8Awa Asa, Yɛhosafati kɛɛgɛ na nwɛɔ aa ala, awa Yɛhosafati, Yolamu kɛɛgɛ na nwɛɔ aa ala, awa Yolamu, Usaya kɛɛgɛ na nwɛɔ aa ala. 9Usaya, Yotamu kɛɛgɛ na nwɛɔ aa ala, awa Yotamu, Ahasi kɛɛgɛ na nwɛɔ aa ala, awa Ahasi, Hɛsekaia kɛɛgɛ na nwɛɔ aa ala. 10Hɛsekaia, Manaasa kɛɛgɛ na nwɛɔ aa ala, awa Manaasa, Emɔsi kɛɛgɛ na nwɛɔ aa ala, awa Embɔsi, Yosaia kɛɛgɛ na nwɛɔ aa ala. 11Yosaia, Yɛkonaia o ngi ndegen hiindengaa i ngoo ti kɛɛgɛ na nwɛɔ aa ala aa yamana na ti lii a Iisilɛlia i Babilɔni bɔlɔgɔɔ na nwa ɛɛ kpindi bɛlɛu belaa. 12Awa ningaa i mbeelɛndaa na Babilɔni ɛɛ kpindi bɛlɛu belaa maa nhanda na i leeni nhaa Yisɔsi lendaa na i hitii ma, maa bembaa i mɛ aa nditiini. Yɛkonaia, Silitiɛli kɛɛgɛ na nwɛɔ aa ala. Awa Silitiɛli, Sɛlubabɛli kɛɛgɛ na nwɛɔ aa ala. 13Sɛlubabɛli, Abiu kɛɛgɛ na nwɛɔ aa ala, Abiu, Ɛliakimu kɛɛgɛ na nwɛɔ aa ala, awa Ɛliakimu, Eesɔ kɛɛgɛ na nwɛɔ aa ala, 14Eesɔ, Salɔki kɛɛgɛ na nwɛɔ aa ala, awa Salɔki, Akimu kɛɛgɛ na nwɛɔ aa ala. Akimu, Ɛliu kɛɛgɛ na nwɛɔ aa ala. 15Ɛliu, Ɛliesa kɛɛgɛ na nwɛɔ aa ala, awa Ɛliesa, Matani kɛɛgɛ na nwɛɔ aa ala, awa Matani, Yekɔpi kɛɛgɛ na nwɛɔ aa ala. 16Awa Yekɔpi, Yosɛfu kɛɛgɛ na nwɛɔ aa ala, napangaa Yosɛfu, Meeli nhii naɔ, Meeli nana i Yisɔsi leni, Yisɔsi nana taa ui mba aa Ngebɔ Nhu Ɔhɛ Nwɔɔ na. 17Faa nwɛɛe kualaa mi bemba na le Eebilahamu njeilaa manha mbaa na le Leebili, nde ngee puu mɛɛɔ i manhu naai bɛɛ. Awa kualaa Leebili bou nwɔɔ na le njeilaa yamana na nhu ti lii aa Iisilɛlia i ɛɛ kpindi bɛlɛu belaa mɛɛ kualaa Babilɔni, nde ngee puu mɛɛɔ i manhu naai bɛɛ. Awa Babilɔni njeilaa lɔgɔ na le ti Ngebɔ Nhu Ɔhɛ Nwɔɔ na leni, nde ngee puu mɛɛɔ gbɔnhu i manhu naai bɛɛ. 18Indinɛi ngemɛɛ gɛnhi Yisɔsi Kilaisi lendaa na i beleni la. Nhuna Yisɔsi nje na Meeli ee maabɔ nhu Yosɛfu le, kɛlɛ ai lɛ gɛiɔ lai ngi nhii na bou nwa, kati maaia aa kɛɛlaa koo nyanha nwɛɔ kualaa Ngebɔ Yina na fɔha na le. 19Awa kina Yosɛfu nuu nwɛɛɔ nana ee teenjaa nhanda bele pele, awa kpala ngaile alaaɔ i Meeli chambo kpou, indinɛi nhanwa kɛɛ kukunga ma aa kpagoyaa hitindaa Meeli nwa sɔi. 20Nhuna Yosɛfu ee nɛɛnwaa sia nhanda indinɛi belendaa nhanwa, ka Ngebɔ nwaleka i baa ala le henga nhu kɛɛ gɛa ala nwa, "Yosɛfu, Leebili goo na nhu lou na aa biee, bɛɛ sogi aa Meeli belendaa aa bi nyanha, gbɛnhaile koo nana i nhu, Ngebɔ Yina na fɔha na nwɛ. 21Meeli ɔɔ foli hɔlɔa aa nhiindou, awa maa nhiindou na siina bɔɔ uinaa mba aa Yisɔsi, gbɛnhaile ala nwɛ ɔɔ ngi ndaa i ngumbo kualaa ti nhanda nyɔu na nhu." 22Indinɛi bɛɛ i belenia kangaa nana Ngebɔ i kɛi aa Ngi letu na kɛndaa nhanwa kpou maa nhanda siina i loma. 23"Lambunhu nyanhalou ɔɔ gooa awa ɔɔ foli hɔlɔa aa nhiindou, awa maa nhiindou na tɔɔ uinaa mba aa Imaanuɛli." (Nhunhaa na nwɛ aa kɛɛlaa, "Ngebɔ alaa na tii mua o.") 24Awa nhuna Yosɛfu i huui njii na nhu, kɛɛ nana belenga ɛɛ gbo Ngebɔ nwaleka na i kɛi aa ala pelendaa nhanwa. Kɛɛ kuunnga Meeli nwa aa ngi gɛmbɛ nwaa nyanha. 25Kɛlɛ ai kɔɔni aa ngi nyanha la nhaa kɛɛ ngi nhiindou indinɛi lenga. Awa ka Yosɛfu i uinga mba aa Yisɔsi.


Copyrighted Material
Learn More

will be added

X\