मत्ती 1

1अबराहिम के सनतान, दाऊद के सनतान, यीसु मसीह के बंसावली। 2अबराहिम से इसहाक जलमलन, इसहाक से याकूब जलमलन, याकूब से यहूदा आउर उनकर भाय जलमलन, 3यहूदा आउर तामार से फिरिस आउर जोरह जलमलन, फिरिस से हिस रोन जलमलन, आउर हिस रोन से एराम जलमलन, 4एराम से अम्मीनादाब जलमलन, अम्मीनादाब से नहसोन, आउर नहसोन से सलमोन जलमलन, 5सलमोन आउर राहब से बोअज जलमलन, बोअज आउर रूत से ओबेद जलमलन, आउर ओबेद से यिसै जलमलन, 6आउर यिसै से राजा दाऊद जलमलन। अउर दाऊद से सुलैमान ऊ मेहरारू से जलमलन जे पहिले उरिय्याह के घरनी हलथिान। 7सुलैमान से रहबाम जलमलन, रहबाम से अबिय्याह जलमलन आउर अबिय्याह से आसा जलमलन, 8आसा से यहोसाफात जलमलन, यहोसाफात से योराम जलमलन, आउर योराम से उज्जियाह जलमलन, 9उज्जियाह से योताम जलमलन, योताम से आहाज जलमलन, आउर आहाज से हिजकिय्याह जलमलन, 10हिजकिय्याह से मनस्सिह जलमलन, मनस्सिह से आमोन जलमलन आमोन से योसिय्याह जलमलन; 11आउर कैदी होके बेबीलोन जाय बखत योसिय्याह से यकुन्याह आउर उनखर भाय जलमलन। 12कैदी होके बेबीलोन पहुँचावे के बाद यकुन्याह से सालतिएल जलमलन आउर सालतिएल से जरूब्बाबिल जलमलन, 13जरूब्बाबिल से अबीहूद जलमलन, अबीहूद से इलयाकीम जलमलन, आउर इल्याकीम से अजोर जलमलन, 14अजोर से सदोक जलमलन, सदोक से अखीम जलमलन, आउर अखीम से इलीहूद जलमलन, 15इलीहूद से इलियाजार जलमलन, इलियाजार से मत्तान जलमलन, आउर मत्तान से याकूब जलमलन, 16याकूब से यूसुफ जलमलन, जे मरियम के मरद हलथी, आउर मरियम से यीसु जे मसीह कहलावऽ हथ, जलमलन। 17ई तरे अबराहिम से दाऊद तक चउदह पुस्त होवऽ हे आउर दाऊद से बेबीलोन के कैदी होके पहुँचावे जाय तक चउदह पीढ़ी, आउर कैदी होके बेबीलोन पहुँचावे जाय के बखत से मसीह तक चउदह पीढ़ी होलइ। 18यीसु मसीह के जलम इ तरे होलइ कि जब उनकर माय के छेका युसूफ के जोरे होलइ तब उनका साथ होवे के पहिले उ पबीतर आतमा दन्‍न से पेट से पावल गेलथिान। 19ई से उनकर मरद युसूफ जे धरमी हलन आउर उनका बदनाम नञ करे चाहऽ हलन, उनका चुप्पे तियाग देवे के विचार कयलन । 20जब उ ई बात सोचइते हलथी तब परभु से सरगदूत उनखा सपना में दरसन देके कहे लगलन, हे युसूफ। दाऊद के सनतान, तू अप्पन मेहरारू मरियम के अपन घरे ले आवे में नञ डरऽ, काहेकि जे उनखर पेट में हे, ऊ पबीतर आतमा के किरपा से हे। 21ऊ बेटा ज लमैथिान आउर उनखर नाँव तू यीसु रखिय हु, काहेकि ऊ अप्पन लोग के पाप से उदधार करथिान। 22ई सभ एहि से होलइ कि जे बचन परभु भविसबक्ता दिया कहलथी हल, ऊ पूरा हो: 23“देखिअहू, एगो कुमारी गरभवती होतई अउर एगो बेटा ज लमैथिान, अउर ओकर नाँव इम्मानुएल रखल जयतइ,” जेकर माने हे-परमेसर हमरा जोरे। 24तब यूसुफ नीन से उठके परभु के दूत के आग्यां के मोताबिक अप्पन मेहरारू के अप्पन घरे ले अय लथी; 25. आउर जबले ऊ बेटा नञ ज लमैलथी तबले ऊ उनका नगीच नञ गेलथी; आउर ऊ उनखर नाँव यीसु रखलथिान।


Copyrighted Material
Learn More

will be added

X\