Malakai 4

1“Bwe lo, raan eo ej itok; enaaj bwil āinwōt juon upaaj. Im aolep ro re juwa im aolep ro rej kōṃṃan nana renaaj āinwōt menọknọk; im ilo raan eo renaaj bwil,” Jeova in inelep ej ba. “E ban pād wōt okar ak ra ñan er.” 2Ak ñan koṃ koṃij mijak Eta, aḷ in wānōk enaaj tak, im enaaj wor kemour ilo pein. Im koṃnaaj diwōjḷọk im ekkāke āinwōt koon in kau ko eṃōj kōtḷọk er jān jikier. 3Im koṃnaaj juuri ro ri nana, bwe renaaj āinwōt melkwaarar iuṃwin neimi ilo raan eo ñe Ij kōṃṃan men kein,” Jeova in inelep ej ba. 4“Koṃwin keememej kien eo an Moses, ri karijera, im naan in jiroñ im ekajet ko Iar jiroñ e kaki i Horeb kōn aolepen Israel. 5Lo, Inaaj jilkinwōj Ilaija, ri kanaan eo, ṃokta jān an itok raan eo eḷap im kaamijak an Jeova. 6Innām enaaj ukōt būruon jemaer ñan ro nejier, im būruon nejier ñan ro jemaer, ñe ab Ij itok im kaliaik āneo.”


Copyrighted Material
Learn More

will be added

X\