MATEU 1

1Ja'a yodotuni ndidaa xayii Jesucristu, ia kúu xayii David xi'in xayii Abraham. 2Abraham kúu s-tata Isaac, Isaac s-tata Jacob, Jacob s-tata Judá xi'in ndidaa xani tsa. 3Judá kúu s-tata Fares xi'in Zeraj nduu nu ya'a kaku Tamar, Fares s-tata Esrom, Esrom s-tata Aram. 4Aram s-tata Aminadab, Aminadab s-tata Naasón, Naasón s-tata Salmón. 5Salmón xi'in Rahab kúu s-tade'e Booz, Booz xi'in Rut kúu s-tade'e Obed, Obed s-tata Isaí. 6Isaí s-tata rey David, san rey David kúu s-tata Salomón san j-nana tsa kúu ña kúu d̶e'e Urías. 7Salomón s-tata Roboam, Roboam s-tata Abías, Abías s-tata Asa. 8Asa s-tata Josafat, Josafat s-tata Joram, Joram s-tata Uzías. 9Uzías s-tata Jotam, Jotam s-tata Acaz, Acaz s-tata Ezequías. 10Ezequías kúu s-tata Manasés, Manasés s-tata Amón, Amón s-tata Josías. 11Josías s-tata Jeconías xi'in ndidaa xanii tsa, kuenta ntsaka ña'an xi ndidaa ñayii kuu ñuu Israel kuan sá'an Babilonia. 12Kuenta ío tsa Babilonia, Jeconías kúu s-tata Salatiel, Salatiel s-tata Zorobabel. 13Zorobabel s-tata Abiud, Abiud s-tata Eliaquim, Eliaquim s-tata Azor. 14Azor s-tata Sadoc, Sadoc s-tata Aquim, Aquim s-tata Eliud. 15Eliud s-tata Eleazar, Eleazar s-tata Matán, Matán s-tata Jacob; 16Jacob kúu s-tata José, xee María, ña káku ña'an xi Jesús ia kuu Cristu. 17San uxi kumi generación ya'ia ntsa kuenta ío Abraham xi'in ntsa kuenta ío David; san uxi kumi ka tuku generación, ntsa kuenta io David xi'in ntsa kuenta saa ndidaa ñayii Israel Babilonia; san uxi kumi ka tuku generación, ntsa kuenta ío ndidaa ñayii Israel Babilonia xi'in ntsa káku Jesús ia kuu Mesías. 18Sa káku Jesucristu du'ua kída: María j-nana Jesucristu sa io sa tanda'a ña xi'in José, doko vita ña'an ka koo tsa nduu tsa, san sa sa'a Espíritu Santu ño'on ña da'a. 19José tsa ku kuu xee ña, kuu tsa en ñayii gua'a, san ti nchu kadavaa ña'an tsa xan, san sani-ini tsa sa dandoo ña'an yu'u tsa xan. 20Neni sani-ini tsa ja'a, san en x-ángel Ndios nanuu en via'na san sadaa s-tsa: —José, d̶a'a David, ma yu'u yo san ma kani-ini yo andu d̶a'a xi kuu da'yiki ño'on d̶e'e yo María, kuan sa sa'a Espíritu Santu ño'on nu da'a. 21San koo en d̶a'ayee yiki nu; san danani ña'an yo Jesús xi ia, kuan nuya'a kada nu sa nakoo Ndios sa ka'nu-ini sa sa'a x-kuachi ñayii kuu xa'an ia. 22Ndidaa ja'a tá'an ndasa na xino tá'an sa ká'an Ndios kuenta kachi profeta tsanda'a ia: 23Vita san nude'e ii ko'on nu da'a san koo en d̶a'ayee yiki nu, san danani ña'an Emanuel jnu, sa nchukachi: Ndios io ia xi'in ndo ndidaa ndo. 24Kuenta ndikuu xanaa José, kída tsa kuenta tá'vichiion x-ángel Ndios, san tanda'a tsa nduu tsa María. 25Doko ti teña'an tsa xan ntsa káku ña da'yiki di'na nuu, san danani ña'an tsa JESÚS xi ia.


Copyrighted Material
Learn More

will be added

X\