Mateo 1

1Seini to napuunan ni Jesu-Cristo no Kaliwat ni David dow ni Abrahamq 2Si Abraham amoy ni Isaacq Si Isaac amoy ni Jacobq Si Jacob amoy ni Juda dow to mgo suun dinq 3Si Juda amoy ni Fares dow ni Zera, si Tamar to inoy danq Si Fares amoy ni Esromq Si Esrom amoy ni Aramq 4Si Aram amoy ni Aminadabq Si Aminadab amoy ni Naasonq Si Naason amoy ni Salmonq 5Si Salmon amoy ni Boos, si Rahab to inoy dinq Si Boos amoy ni Obed, si Ruth to inoy dinq Si Obed amoy ni Isaiq 6Si Isai amoy ni Hari Davidq Si David amoy ni Salomon1 To inoy din, asawa ni Urias notoduon no naasawa on isab ni Davidq 7Si Salomon amoy ni Roboamq Si Roboam amoy ni Abiasq Si Abias amoy ni Asaq 8Si Asa amoy ni Josafatq Si Josafat amoy ni Joramq Si Joram amoy ni Usiasq 9Si Usias amoy ni Jotamq Si Jotam amoy ni Acasq Si Acas amoy ni Ezequiasq 10Si Ezequias amoy ni Manasesq Si Manases amoy ni Amonq Si Amon amoy ni Josiasq 11Si Josias amoy ni Jeconias dow mgo suun din. Sikan to panahon no pigbihag to mgo Hibru aw daeha diya to Babiloniaq 12Tapus sikandan daeha diya to Babilonia, mey anak ni Jeconias, si Salatielq Si Salatiel amoy ni Sorobabelq 13Si Sorobabel amoy ni Abiudq Si Abiud amoy ni Eliaquimq Si Eliaquim amoy ni Asorq 14Si Asor amoy ni Sadoc. Si Sadoc amoy ni Aquimq Si Aquim amoy ni Eliudq 15Si Eliud amoy ni Eleasarq Si Eleasar amoy ni Matanq Si Matan amoy ni Jacobq 16Si Jacob amoy ni Joseq Si Jose bana ni Maria no inoy ni Jesus no og-ilingon to Insaad no Manyuyuwas. 17Na, sugud ki Abraham pailing diya ki Hari David, meyduon sampuyu-tag-upat no ka kaliwatan. Sugud ki David kotob no bihagon to mgo Hibru diya to Babilonia, meyduon isab sampuyu-tag-upat no ka kaliwatan. Sugud duon kotob no i-anak si Cristo, meyduon manda sampuyu-tag-upat no ka kaliwatan. 18Nailing to seini to pagkaotow ni Jesu-Cristo. Si Maria no inoy din asawahon ni Jose. Di no wada pad sikandan kaminyo, namaan on si Maria no nabodos sikandin pinaagi to gahom to Ispiritu Santu. 19Na, si Jose matinumanon yagboy to mgo balaod to Diyus, di kona sikandin ogkaliyag no masikawan si Maria. Kaling mighona-hona sikandin no og-ojowan din si Maria no kona ogkamaanan to duma. 20Anoy man no mighona-hona pad si Jose to sikan, pigpatagainop sikandin to anghil to Ginuu no mig-ikagi, "Jose no kaliwat ni Hari David, kona ka ogduwa-duwa to pag-asawa ki Maria, su sikan pagkabodos din pigbootan to Ispiritu Santu. 21Yukos to ig-anak din, aw Jesus to ihingadan nu kandin su ogyuwason din to kaotawan din to mgo sae dan." 22Nailing to sikan agun matuman to diya impatag-an to Diyus to otow no kibali ba-ba din no pig-iling, 23"Meyduon daega no wada buling no ogkabodos, aw yukos to ig-anak din. Sikan bata oghingadanan to Emmanuel, no ko ita pa, to Diyus duma ita." 24Pagkabuyat ni Jose, pigtuman din sikan insugu to diya anghil to Ginuu. Pig-asawa din si Maria, 25di wada din dajun hulidi. Pigtagad din no muanak on. Na, anoy man no i-anak on sikan bata, Jesus to inngadan ni Jose.


Copyrighted Material
Learn More

will be added

X\