Matewa 1

1Yeesu Krista yandaba hida nnanaɦ'. Bà da meedra Yeesu Kristwu hurberm Daviida buudmn, bá da meed wiiwu Ĥabrahaama buudmn. 2Ĥabrahaama da meedra Yisɦaaka, Yisɦaaka t maadm Yakooba, Yakooba t maadm Yuudawu n ɦà teelba, 3Yuuda t maadm Fɛɛrɛswu n Jɛɛraa, bà da hoɦl bá nya na Taamra. Fɛɛrɛsa t maadm Hɛsroona, Hɛsroona t maadm Raama, 4Raama t maadm Ĥaminadaaba, Ĥaminadaaba t maadm Naasoona, Naasoona t maadm Salmoona, 5Salmoona t maadm Boɦaasa, bà da hoɦl ɦá nya na Raɦaaba. Boɦaasa t maadm Ĥoobeeda, bà da hoɦl ɦá nya na Ruuta. Ĥoobeeda t maadm Yisaaya, 6Yisaaya t maadm hurberm Daviida. Daviida t maadm Salomoona, ɦá nya da ba na Ĥuuriyaa fɔgn. 7Salomoona t maadm Roobɦaama, Roobɦaama t maadm Ĥabiyaawa, Ĥabiyaawa t maadm Ĥasaa, 8Ĥasaa t maadm Yoosafaata, Yoosafaata t maadm Yooraama, Yooraama t maadm Ĥosiyaasa, 9Ĥosiyaasa t maadm Yootaama, Yootaama t maadm Ĥahaasa, Ĥahaasa t maadm Hiskiyaasa, 10Hiskiyaasa t maadm Manasea, Manasea t maadm Ĥamoona, Ĥamoona t maadm Yosiyaasa, 11Yosiyaasa t maadm Yekɔn̈yaawu n ɦà teelba. L´ vuuguu nnii ban da mɔgr Yisraɦeel tiiba n san n lo-ba Babiloon tantn. 12Ban da mɔgr Yisraɦeel tiiba n san n lo-ba Babiloon tantn n l` kaannaa, Yekɔn̈yaa t maadm Saaltiɦeela, Saaltiɦeela t maadm Sorobabɛɛla, 13Sorobabɛɛla t maadm Ĥabiyuuda, Ĥabiyuuda t maadm Ĥɛlyakiima, Ĥɛlyakiima t maadm Ĥasoora, 14Ĥasoora t maadm Sadooka, Sadooka t maadm Ĥayiɦaama, Ĥayiɦaama t maadm Ĥɛliyuuda, 15Ĥɛliyuuda t maadm Ĥɛlɦasaara, Ĥɛlɦasaara t maadm Mataana, Mataana t maadm Yakooba, 16Yakooba t maadm Yoosɛfa, Maaria sida. Maariiwii da meedra Yeesua, Saŋgband nn bantg wii. 17Tii lee, bà kala wahii mɛnhii. L´ lɔg Ĥabrahaama kakeɦnan Daviida, samba t ka ba kwiɦr n banaaba, bá n bà kwɛɛlba. L´ ta lɔg Daviida kakeɦnan ban da mɔgr Yisraɦeel tiiba n san n Babiloon tantn, samba t ka ta ba kwiɦr n banaaba, bá n bà kwɛɛlba. L´ ta lɔg vuugu Yisraɦeel tiiba nn san Babiloon tantn kuu kakeɦnan Krista maadb, samba t ka ta ba kwiɦr n banaaba, bá n bà kwɛɛlba. 18Ln da ɦer nnanaɦ' bà maad Yeesu Krista. Maarii nnii Yeesu Krista nya. Bà da bagra-wu Yoosɛfa, ɦá ɦɛm fuuga n Voɦoom Buudm gemmntn, wú n ɦà sid bà ban lɔg taa. 19Ĥá sid Yoosɛfa da ba nidhɔma. Ĥá ka ba sɔkl na ɦà rɛɛ-wu nidba nɔngan ka diila na ɦà kir-wu sabaɦ'. 20Ĥan da diila welee lee, Saberma tumtɦii t san ɦá man jaamiitn n bɔɦɔɔ-wu na: «Yoosɛf, Daviida yakiiga, lɔg Maarii na v` fɔga, daa siil fobɛɦgu! Fuuga ɦan ba n kee, ɦà ɦera-ka n Voɦoom Buudm gemmntn. 21Ĥà kee ɦà meed budaaga, v` baɦdg-ka na Yeesua, l´ kɔtɔd na ‟Saŋgband daɦl nidba juuni”, blaɦb kaa na kà nan daɦl ká tigr jugu kà ree-d d` fubɛɦii ni.» 22L´ mɛnguu ɦera welee na gwɛɛt Saberma nn da bed ka tagaa n ɦà gwɛɛt bɔɦɔɔta noor tii ɦe t´ jugun. 23Ĥà da bɔɦɔɔ na: Biiriiga nan ɦɛna fuuga kà meed budaaga, bà baɦdg-ka na Ĥemanuɦeela, hidrii kɔtɔd n bà lamn nnii na Saŋgband ba t` man. 24Yoosɛfa nn himtg lee, n ɦɛm wo Saberma tumta nn da bed-wu jaamiitn lee. Ĥá lɔgm Maarii na ɦá fɔga, 25gwɛntaɦ' n ka ba nyaan ɦá ɦɛn kakeɦnan Maaria nn dan n maadm ɦá budaaga. Lee, Yoosɛfa t baɦd-ka na Yeesua.


Copyrighted Material
Learn More

will be added

X\