SAN MATEO 1

1Tíhi mé chrónka nkexro k'uaxrjeníxin Jesucristo. Jesucristo mé k'uaxrjeníxin David la ko Abraham. 2Abraham mé it'é Isaac la ko Isaac mé it'é Jacob la Jacob mé it'é Judá la ko kaín ti kícho Judá. 3Judá mé it'é Fares la ko Zara la ti ìñé sin mé it'in Tamar. Fares mé it'é ti Esrom la Esrom mé it'é Aram. 4Aram mé it'é Aminadab la jehe mé it'é Naasón la jehe mé Salmón. 5Salmón mé it'é Booz la ìñé mé tjan Rahab. Booz mé it'é ti Obed la ìñé ti Obed mé tjan Rut. Obed mé it'é Isaí. 6Isaí mé it'é ti rey David la jehe la ko ti tjan k'uéchjién Urías mé táha it'é la ko ìñé Salomón. 7Salomón mé it'é Roboam la Roboam mé it'é Abías la Abías mé it'é Asa. 8Asa mé it'é Josafat la Josafat mé it'é Joram la Joram mé it'é Uzías. 9Uzías mé it'é Jotam la Jotam mé it'é Acaz la Acaz mé it'é Ezequías. 10Ezequías mé it'é Manasés la Manasés mé it'é Amón la Amón mé it'é Josías. 11Josías mé it'é Jeconías la ko ti sin kícho. Ti ña̱o ikui ti sin Babilonia sákjuíko ti sin israelita kixin ts'ejóchjina sin ti chjasin Babilonia. 12Ndá kjuixin sákjuí sin mé Jeconías mé it'é Salatiel mé it'é ti Zorobabel. 13Zorobabel mé it'é Abiud la Abiud mé it'é Eliaquim la ko Eliaquim mé it'é Azor. 14Azor mé it'é Sadoc la ko Sadoc mé it'é Aquim la ko Aquim mé it'é Eliud. 15Eliud mé it'é Eleazar la Eleazar mé it'é Matán la Matán mé it'é Jacob. 16Jacob mé it'é José la José mé k'óna xìi tjan María la tjan María mé ìñé Jesús nchek'in sin Cristo. 17Mé xi̱kaha catorce t'áchri̱i k'uaxrjeníxin ch'in Abraham ndá kjuák'e ch'in David la íjnko catorce t'áchri̱i k'uaxrjeníxin ch'in David, landá ti sin Babilonia sákjuíko ti sin israelita chjasén sin, landá íjnko catorce t'áchri̱i k'uejó landá kokjíhi Cristo. 18Ti k'okjíhi Jesucristo mé xi̱kihi kóhen. Ti tjan María, ìñé Jesús, mé tsíkjate̱he tjan tso̱te̱he tjan ch'in José. Ndá na̱xa̱ kuákjahya kícho sin, ndá kónoxín kixin jehe tjan la í jóhya tjan kixin kjuachaxíen Ncha̱kuén Díos. 19Ch'in José, ti nkexro ts'óna xìi tjan María, mé ijnko chojni jína, la kjuénka̱yáxin ch'an imó chrókjuáke̱he̱ ch'an tjan kixin tjinkakonhña ch'an kixin ninkexró tso̱noehña. 20Ndá na̱xa̱ tjenka̱yáxin ch'in José nkexrín chrókóhen, ndá kotáchrién ch'an chrónkaxín kixin k'uíkon ch'an ikui ijnko ángel kuènté Ìnchéni, la ndáchro: ―José, jaha k'uaxrjeníxian David. Tóxakuanhña la ko chrakonhña chrókuákjá tjan María ts'óna ichjián kixin ti ixjan tsochónta tjan la kjuachaxíen Ncha̱kuén Díos k'ónaxín ti ixjan. 21Ti tjan María mé sinchek'okjíhi ijnko xjan ndoa la its'in xjan Jesús; kixin jehe xjan tsakjìin iji̱é kaín chojni ―ichro ti ángel. 22Kaín tíhi kóhen kixin xiteyá ti nkehe tsíndáchro Díos k'uénixja ti sin k'uéchronka itén Díos ósé. Mé ndáchro: 23Ijnko tjan na̱xa̱ chóntahya chojnindoa mé tsjak'eyá tjan la tsochónta tjan ijnko xjan, la sinchek'in sin xjan Emanuel, mé tíha t'axrjexín Díos tjejókoni. 24Ndá ti ó k'uàya ch'in José la kjuích'e éxi ti nkehe k'ue̱to̱an ti ángel kuènté Ìnchéni, la kuákja ch'an tjan María, k'óna ichjién ch'an. 25Ndá kjónté xi̱kaha, la na̱xa̱ kónkojiéhya sin hasta k'okjíejia ti xjan sa̱o, la kjuínchek'in sin xjan Jesús.


Copyrighted Material
Learn More

will be added

X\