मत्ति 1

1अब्राहामेर सान्‍तान, दाउदेर सान्‍तान, इसु ख्रिस्‍टेर बंसाबलिर बृतान्‍त, 2अब्राहामेर बेटा छिले इसहाक, इसहाकेर बेटा याकुब, याकुबेर बेटा यहुदा आर उहाँर भाइला, 3यहुदार बेटा फारेस आर जारा, एम़ा रहए तामारेर कोखेर। फारेसेर बेटा एस्रोम आर एस्रोमेर बेटा आराम, 4आर आरामेर बेटा अमिनादाब, अमिनादाबेर बेटा नास्‍सोन, नास्‍सोनेर बेटा साल्‍मोन, 5साल्‍मोनेर बेटा बोअज, याहाँए रहए राहाबेर कोखेर। बोअजेर बेटा योबेद, याहाँए रहए रुथेर कोखेर। आर योबेदेर बेटा यस्‍सि, 6यस्‍सिर बेटा दाउद राजा, आर दाउदेर बेटा सोलोमन, याहाँर माअँड पहिले उरियार बेर्छानि रहकि। 7सोलोमनेर बेटा रोहोबाम, रोहोबामेर बेटा अबियाहा, अबियाहार बेटा आसाफ, 8आसाफेर बेटा योसाफात, योसाफातेर बेटा योराम, योरामेर बेटा ओजिया, 9ओजियार बेटा योआथाम, योआथामेर बेटा आखाज, आखाजेर बेटा हेजेकिया, 10हेजेकियार बेटा मनस्‍से, मनस्‍सेर बेटा आमोन आर आमोनर बेटा योसिया, 11आर योसियार बेटा यखोनिया आर याहाँर भाइला, एम़ार जलम बेबिलोनेर निर्वासनेर आगुते हइसेल्‍कि। 12बेबिलोनेर निर्वासनेर बाद जलम लुवाल: यखोनियार बेटा सालथिएल। सालथिएलेर बेटा जोरोबाबेल, 13जोरोबाबेलेर बेटा अबिउद, अबिउदेर बेटा एलियाकिम, एलियाकिमेर बेटा आजोर, 14आजोरेर बेटा सादोक, सादोकेर बेटा आखिम, आखिमेर बेटा एलिउद, 15एलिउदेर बेटा एलेयाजार, एलेयाजारेर बेटा मत्‍थान, मत्‍थानेर बेटा याकुब, 16आर याकुबेर बेटा योसेफ, याहाँए रहए मरियमेर मर्दना। एइड मरियमेर कोख से इसुर जलम हले जाहाँक ख्रिस्‍ट कहाल जाचे। 17अइनङ करे अब्राहाम से दाउद तलिक जम्‍मा हले चउद पुस्‍ता आर दाउदेर समय से बेबिलोनेर निर्वासन तलिक चउद पुस्‍ता आर बेबिलोनेर निर्वासन से ख्रिस्‍टेर जलम तलिक चउद पुस्‍ता। 18इसु ख्रिस्‍टेर जलम हेनङ करे हइस्‍ले: उहाँर माअँ मरियमेर माङनि योसेफेर सङे हइसेल्‍कि, मातुन अम़ार बेहा हबार से आगुते मरियमेर कोखत पबित्र आत्‍मार पाए छुवा रहए गेल्‍कि। 19मातुन उहाँर दुल़ा योसेफट धर्मि लोक हबार कारन, मरियमडक लाजत नि गिराए मने मने उहाँक त्‍यागि दिबा छाबिस्‍ले। 20मातुन जेइखुना उहाँए इड काथार आरि घुरि कर्तेइ रहए, ता देख! प्रभुर एकटा सर्गदुत सपनत उहाँक दर्सन दिए कहल्‍कि, “ए योसेफ! दाउदेर सान्‍तान, तुइँ मरियमडक कइना कर्बा भय ना करेक कियाँकि जेइड छुवा उहाँर कोखत छे उड छुवा पबित्र आत्‍मार पाए हइचे। 21आप उहाँए एकटा पुत्र जलम दिबे आर तम़ा उहाँर नाअँ इसु राखन कियाँकि उहाँए आप्‍नार लोकलाक अम़ार पापला से उद्धार कर्बे।” 22अगमबक्‍तार पाए बलाल प्रभुर बचनला पुरा होक कहए इला घटना हइस्‍ले: 23“देख, एक झन आकुवारि पुवाति हबे आर उहाँए एकटा पुत्रक जलम दिबे आर उहाँर नाअँ इम्‍मानुएल राखाल जाबे।” याहाँर माने हए, “परमेस्‍वरट हामार सङे।” 24जेइखुना योसेफट जागिल पाले ते, प्रभुर सर्गदुतट उहाँक जेनङ जेनङ कहिसेल्‍कि अइ अनुसार कर्ले आर मरियमडक कइना करिए लेआन्‍ले। 25मातुन मरियमड छुवाडक जलम नि दिबार तलिक योसेफट उहाँर सङे सहबास नि कर्ले आर योसेफट उड छुवार नाअँ इसु राख्‍ले।


Copyrighted Material
Learn More

will be added

X\