San Mateo 1

1Libru ya'a kakune'e xixitna Jesucristu. Xixitna‑ia n‑kuu David. Xixitna David n‑kuu Abraham. 2Abraham n‑kuu taa Isaac. Isaac n‑kuu taa Jacob. Jacob n‑kuu taa Judá xi'in ñani‑s. 3Judá n‑kuu taa Fares xi'in Zara, te Tamar n‑kuu dɨ'ɨ‑s. Fares n‑kuu taa Esrom, te Esrom n‑kuu taa Aram. 4Aram n‑kuu taa Aminadab, te Aminadab n‑kuu taa Naasón, te Naasón n‑kuu taa Salmón. 5Salmón n‑kuu taa Booz, te Rahab n‑kuu dɨ'ɨ Booz. Booz n‑kuu taa Obed, te Rut n‑kuu dɨ'ɨ Obed. Obed n‑kuu taa Isaí. 6Isaí n‑kuu taa David. David n‑kuu se kunxa'nu. Da'ya yɨɨ David n‑kuu Salomón. N‑kaa David xi'in ñadɨ'ɨ Urías, te n‑kaku Salomón. 7Salomón n‑kuu taa Roboam, te Roboam n‑kuu taa Abías, te Abías n‑kuu taa Asa. 8Asa n‑kuu taa Josafat, te Josafat n‑kuu taa Joram, te Joram n‑kuu taa Uzías. 9Uzías n‑kuu taa Jotam, te Jotam n‑kuu taa Acaz, te Acaz n‑kuu taa Ezequías. 10Ezequías n‑kuu taa Manasés, te Manasés n‑kuu taa Amón, te Amón n‑kuu taa Josías. 11Josías n‑kuu taa Jeconías xi'in ntaka ñani‑s. Na n‑xo tuu Jeconías, daa xndeka juexa soldado Babilonia dava ñayiu Israel jua'an ñuu‑s xa nkotuu‑i ijan. 12Nu n‑ya'a xijan, te n‑kaku da'ya Jeconías. Salatiel n‑xo nani‑s. Salatiel n‑kuu taa Zorobabel. 13Zorobabel n‑kuu taa Abiud, te Abiud n‑kuu taa Eliaquim, te Eliaquim n‑kuu taa Azor. 14Azor n‑kuu taa Sadoc, te Sadoc n‑kuu taa Aquim, te Aquim n‑kuu taa Eliud. 15Eliud n‑kuu taa Eleazar, te Eleazar n‑kuu taa Matán, te Matán n‑kuu taa Jacob. 16Jacob n‑kuu taa José, se n‑kuu yɨɨ María. María n‑kuu dɨ'ɨ Jesús, Ia kuu Cristu. 17Nde tiempo n‑xo tuu Abraham xi'in nde tiempo n‑xo tuu David uxi koon generación n‑kuu. Nde na n‑xo tuu David xi'in nde kɨu xndeka juexa soldado Babilonia ñayiu Israel jua'an Babilonia uxi koon ka generación n‑kuu. Uxi koon ka generación n‑ya'a. Ijan dada n‑kaku Cristu. 18Du'a n‑kuu xa n‑kaku Jesucristu. María, ñá n‑kuu dɨ'ɨ Jesucristu, n‑xia'an‑ña tnu'u‑ña José xa tnunda'a‑ña xi'in‑s. Ta jini tna'a ka‑ña xi'in‑s na n‑kida Espíritu Ianyuux xa ni'i da'ya‑ña. 19José, se va'a kuu‑s. Ñatu n‑kuu ini‑s xa datuu‑s‑ña nuu ñayiu xa ni'i da'ya‑ña. Xijan kuu xa n‑juini‑s xa na'i ni dandoo‑s‑ña. 20Du'a n‑xani ini‑s xa kada‑s, te ɨɨn xakuaa n‑kachi xene‑s xa n‑ja'an ɨɨn ángel, ia xinokuechi nuu Ianyuux nuu‑s. Du'a n‑ja'an‑ia: —José, se kuu da'ya dana David, maxku yu'u‑n xa tnunda'a‑n xi'in María chi da'ya ñu'u xiti‑i, da'ya Espíritu Ianyuux kuu‑ia. 21Kajan‑i se yɨɨ. Danani‑n‑ia Jesús. Du'a kunani‑ia chi dananita'u‑ia ñayiu kundeka‑ia. 22Ntdaa xa'a ya'a xa na jɨn tna'a xa n‑ja'an Ianyuux nuu ɨɨn se n‑ja'an nuu ñayiu xa n‑ja'an‑ia. Du'a n‑chidotnuni‑s: 23Kuna'a xa ju'un da'ya ɨɨn dichi ii, te kajan‑i ɨɨn se yɨɨ. Dandee ña'a ñayiu Emanuel. (Emanuel kuu: Tuu‑ro xi'in Ianyuux.) 24N‑ndoto José. N‑ndokoo‑s. Ijan dada n‑kida‑s na n‑ta'u tniu ángel, ia xinokuechi nuu Ianyuux; n‑tnunda'a‑s xi'in María, 25ko ñatu n‑kidakuechi‑s xi'in‑ña. Nde n‑ya'a xa n‑kaku da'ya yɨɨ‑ña; ijan dada n‑xini tna'a‑s xi'in‑ña. Nu n‑kaku‑ia, te n‑danani ña'a José Jesús.


Copyrighted Material
Learn More

will be added

X\