MATAYO 1

1Gere nga rimo atita Yesu Kristo, nga tita Dawidi, ni tita Abarayama: 2Abarayama a batika Yisaka; Yisaka ki batika Yakobo; Yakobo ki batika Yuda nâ awirina ko; 3Yuda ki batika Perese nâ Zera ti Tamara; Perese ki batika Eserone; Eserone ki batika Rama; 4Rama ki batika Aminadaba; Aminadaba ki batika Nasona; Nasona ki batika Saromona; 5Saromona ki batika Boaza ti Raba; Boaza ki batika Obede ti Ruta; Obede ki batika Yese; 6Yese ki batika Dawidi, na du ni bakindo. Dawidi ki batika Soromo ti gu dee na ngia dia Uria; 7Soromo ki batika Rabama; Rabama ki batika Abiya; Abiya ki batika Asa; 8Asa ki batika Yosafate; Yosafate ki batika Yoroma; Yoroma ki batika Uziya; 9Uziya ki batika Yotoma; Yotoma ki batika Aza; Aza ki batika Izikiya; 10Izikiya ki batika Manase; Manase ki batika Amona; Amona ki batika Yosiya; 11Yosiya ki batika Yekonya, nâ awirina ko, hõ i a ga ni nâ awiri Ayisaraere ku Babirone yò. 12Fuo ga yo nâ yo ku Babirone yò, Yekonya ki batika Saratiere; Saratiere ki batika Zerubabere; 13Zerubabere ki batika Abiyuda; Abiyuda ki batika Eriakima; Eriakima ki batika Azora; 14Azora ki batika Sadoka; Sadoka ki batika Akimi; Akimi ki batika Eriuda; 15Eriuda ki batika Erazara; Erazara ki batika Matana; Matana ki batika Yakobo; 16Yakobo ki batika Yosefa, kumba ku Maria, nga gu ri na batika Yesu, nga gu ko i a ya ti ko Masiya. 17Were, riko aboro dunduko tuna ti Abarayama da ti Dawidi, nga riko aboro baawe-nâ-biama; na tuna ti Dawidi da ti gu regbo i a ga nâ awiri Ayisaraere ku Babirone yò, nga riko aboro baawe-nâ-biama; na tuna ti gu regbo i a ga nâ yo ku Babirone yò da ti batika yo Masiya, nga riko aboro baawe-nâ-biama. 18Pa batika Yesu Kristo a du wa gere: I a pazua nako nga Maria fu Yosefa; ono mbata fu i rogo tiyo, ri ki bi gu pai nga ri nâ vuse be Ziazia Toro. 19Ono wa Yosefa nga kumba ri a du ni gu boro na ida ka manga kina ruru apai, ka ko a ida nga ka fu pa zeẽ fu ri gbayaga ku bangiri aboro ya, sidu ko a berẽ kina pa mbu ri tini ni gbuko. 20Were, hõ ko a berã agi apai ni re, ga Gbiã maraika ki yugu tiko fu ko rogo musumo, kiya: “Yosefa, nga tita Dawidi, ka mo gunde nga ti dia Maria ni dia ro ya. Bambiko gu vuse du ri nâ ni, si mbiko Ziazia Toro. 21Ri nika batika kumbagudee, mo ki yambu rimo ko nga Yesu, bambiko ko nika batasa gako aboro ti gayo ingaapai.” 22Were, agi apai a mangi dunduko re ka digiso kina agu apai Gbiã Mbori a ima gumba ha bakuru yò ku ngba nebi, ki ya, 23“Oni ngere, ngasu dee nika du nâ vuse, ki batika kumbagudee, i ki yambu rimo ko nga Emanuere.” (Si wa ka i ya: Mbori du nâ ani). 24Sidu tie, fuo zinga Yosefa be rame, ko ki mangi kina gu pai ga Gbiã maraika a gumba ha fu ko: ki di Maria ku kpu ko yò ni dia ko. 25Ono ka ko a ino nga ri ni dee mbata ya, da hõ ri a batika wiiri ni, ni kumbagudee. Fuo batika ri ko, Yosefa ki yambu rimo ko nga Yesu.


Copyrighted Material
Learn More

will be added

X\