San Mateo 1

1Ni rguixogue'n quie ja xuzixta'o Jesucristo. Naca Abraham len rey David xuzixta'o Jesucristo. 2Abraham guquë' xuzi Isaac, na' Isaac guquë' xuzi Jacob, na' Jacob guquë' xuzi Judá len ja bichinë'. 3Na' Judá guquë' xuzi Fares len Zara, na' lao z̃na'jë' Tamar. Na' Fares guquë' xuzi Esrom, na' Esrom guquë' xuzi Aram. 4Na' Aram guquë' xuzi Aminadab, na' Aminadab guquë' xuzi Naasón, na' Naasón guquë' xuzi Salmón. 5Na' Salmón guquë' xuzi Booz, na' lao z̃na'në' Rahab. Na' Booz guquë' xuzi Obed, na' lao z̃na'në' Rut. Na' Obed guquë' xuzi Isaí. 6Na' Isaí guquë' xuzi rey David, na' rey David lënë' z̃gula Urías gucajë' xuzi z̃na' Salomón. 7Na' Salomón guquë' xuzi Roboam, na' Roboam guquë' xuzi Abías, na' Abías guquë' xuzi Asa. 8Na' Asa guquë' xuzi Josafat, na' Josafat guquë' xuzi Joram, na' Joram guquë' xuzi Uzías. 9Na' Uzías guquë' xuzi Jotam, na' Jotam guquë' xuzi Acaz, na' Acaz guquë' xuzi Ezequías. 10Na' Ezequías guquë' xuzi Manasés, na' Manasés guquë' xuzi Amón, na' Amón guquë' xuzi Josías. 11Na' Josías guquë' xuzi Jeconías len ja bichinë' tiempo cati unita' ben' Babilonia cati yahua'ajë' preso ben' Israel lao yedyi quiejë'. 12Te beyudyi na', Jeconías guquë' xuzi Salatiel, na' Salatiel guquë' xuzi Zorobabel. 13Na' Zorobabel guquë' xuzi Abiud, na' Abiud guquë' xuzi Eliaquim, na' Eliaquim guquë' xuzi Azor. 14Na' Azor guquë' xuzi Sadoc, na' Sadoc guquë' xuzi Aquim, na' Aquim guquë' xuzi Eliud. 15Na' Eliud guquë' xuzi Eleazar, na' Eleazar guquë' xuzi Matán, na' Matán guquë' xuzi Jacob. 16Na' Jacob guquë' xuzi José, ben' quie María, na' María guquë' z̃na' Jesús, ben' naca Cristo. 17Lao tiempo uzu Abraham hasta bdyinnan tiempo uzu rey David, udaohue chida' tiempo unita'jë'. Lëscan' lao tiempo uzu rey David hasta bdyinnan tiempo yehua'a ben' Babilonia ben' Israel preso yedyi quiejë', udaohue itu chida' tiempo unita'jë'. Lëscan' lao tiempo yehua'a ben' Babilonia ben' Israel preso yedyi quiejë' hasta bdyinnan tiempo golo Cristo, udaohue itu cue' chida' tiempo unita'jë'. 18Caora cati golo Jesucristo guca caniga: Z̃na'në' María napë' compromiso utzagana'lënë' José. Pero antes binesi' laguedyijë' sujë' tuz̃e, caora na' gucabë' José banu'a María xcuidi'. Pero por nun quie Bichi Be quie Diuzi nu'anë' xcuidi'. 19José naquë' ben' huen bire'ennë' gaohuë' María xquia lao yedyi. Re'ennë' usannë' lenë' sin que inezi ja benë'. 20Tu racanë' pensari bi huenë', cati ptilalao tu ángel quie Diuzi lenë' lao bichi gala quië'. Na'ra una ángel rëbinë' lëbë': ―José, z̃i'i suba David luë', bidzebo' siu' María gacanë' z̃gulo', porque nun quie Bichi Be quie Diuzi banu'anë' xcuidi'. 21Lëbë' su tu z̃i'inë', na' huelo' laobi' JESUS. Cana' huelo' laobi' porque z̃i'inë' ute uselabi' dula' xquia quie ben' yedyi quiebi'. 22Yugulu cabë' guca na', bzunan di'idza' quie Diuzi cabë' una Diuzi lao na'a tu ben' udixogue' xti'idza'në' tiempote. Cani unë' dza na': 23Huazu tu nigula cuidi', ben' binesulë be'mbyu, hua'anë' tu z̃i'inë'. Na' si' laobi' Emanuel. Ta inaro xti'idza'ro: Zëlë Diuzi ra'o. 24Cati udëlebë José lao bichi gala quienë', bënë' cabë' gudyi ángel quie Diuzi lëbë'. Aoz̃i'në' María para z̃gulanë'. 25Pero biuzulënë' lëbë' cabë' rzulë ja benë' z̃gulajë' hasta que golo z̃i'inë' nëro. Na' bë'në' lao z̃i'inë' JESUS.


Copyrighted Material
Learn More

will be added

X\