San Mateo 1

1Le'a bexa ndee bexa ngok usan gox polta ten Jesucristo, dub xa ras David no xa ras Abraham. 2Le'a Abraham ngop Isaac, Isaac ngop Jacob, Jacob ngop Judá no stapla be wit~xa. 3Judá cha ngop Fares no Zara, le'a xna'a bexa usalea' Tamar. Fares ngop Esrom, Esrom ngop Aram, 4Aram ngop Aminadab, Aminadab ngop Naasón, Naasón ngop Salmón. 5Salmón ngop Booz, le'a xna'a Booz usalea' Rahab. Booz ngop Obed, le'a xna'a Obed usalea' Rut. Obed ngop Isaí, 6Isaí ngop David xa nibe'e, David ngop Salomón, le'a xna'a Salomón xa ngok xagots ten Urías. 7Salomón ngop Roboam, Roboam ngop Abías, Abías ngop Asa, 8Asa ngop Josafat, Josafat ngop Joram, Joram ngop Uzías. 9Uzías ngop Jotam, Jotam ngop Acaz, Acaz ngop Ezequías. 10Ezequías ngop Manasés, Manasés ngop Amón, Amón ngop Josías. 11Josías ngop Jeconías no be wit~xa, zha na lajuers mbi'i bexa Babilonia bexa Israel. 12Tso'o na li ngwa'a bexa Israel gast Babilonia wa, le'a Jeconías ngop Salatiel, Salatiel ngop Zorobabel. 13Zorobabel ngop Abiud, Abiud ngop Eliaquim, Eliaquim ngop Azor. 14Azor ngop Sadoc, Sadoc ngop Aquim, Aquim ngop Eliud. 15Eliud ngop Eleazar, Eleazar ngop Matán, Matán ngop Jacob. 16Jacob ngop Kosé. Le'a xagots ten Kosé usalea' Marí, xa ngop Jesús, xa nak Cristo, xa mtu'ub Dios. 17Li le'a Abraham no gast David le'a ta wa dub tida' bexa. Le'a David no gast zha na ngwa'yo'o bexa Israel gast Babilonia wa, le'a zha we'e uyo'o stub stida'gal bexa. No zha na ngwa'a bexa Babilonia no gast zha na ngol Jesucristo wa uyo'o stub stida'gal bexa. 18Lnde'e ngol Jesús xa nak Cristo: Le'a dub xagots nsalea' Marí yá msa'ala di'izh uchilya'ano xa dub xabgi'i nsalea' Kosé. Parea zha biseata ika'a xa Kosé, le'a xa nso'nola dub me'ed, le'a me'ed wa me'ed msa'a Espíritu ten Dios. 19Le'a Kosé wa mbinbe'e ula'a xa Marí, ná le'a ta na wen nak xa ta we'e xaga'tsa ndi'izh ula'a xa Marí, ndontsa na'anpa ido ladna Marí. 20Le'a zha na mbinbe'ela Kosé li gun, le'a dub angel ten Dios mlundo'la ndo' xa cuent dub ta mche'a ladna xa, ndab angel ndo' xa: —Kosé xin David, lá yu' ladna lu ika'a lu Marí gak xagots ten lu, le'a me'ed nso'no Marí le'a me'ed wa me'ed msa'a Espíritu ten Dios. 21Le'a Marí gap dub me'ed bgi'i, cha usalea' lu me'ed wa Jesús, geal le'a me'ed wa ko'o be xmen Dios ndo' be ke ten bexa. 22Le'a ta wa li ngok lak ndab dub xabgi'i mbidi'izh sakndo' Dios tiemp polta, ndab xa: 23Bla'ach bego, le'a dub xagots ben gol ugal xabgi'i iso'no dub me'ed. Cha gap xa dub me'ed bgi'i, cha isalea' me'ed Emanuel. (Le'a Emanuel dub di'izh hebreo gab: Dios nso' wats beuna.) 24Le'a gor uban Kosé ndo' ta mche'a ladna xa wa, cha mbin xa lak unibe'e angel ten Dios, uka'a xa Marí gak xagots ten xa. 25Ná le'a xa na'anpa ugal Marí zha biseata gap Marí me'ed ned ten xa wa. Cha msalea' Kosé me'ed wa Jesús.


Copyrighted Material
Learn More

will be added

X\